en English is Íslenska

Thesis University of Iceland > Hugvísindasvið > B.A. verkefni - Hugvísindasvið >

Please use this identifier to cite or link to this item: http://hdl.handle.net/1946/3065

Title: 
  • Title is in Icelandic Grief After the Loss of an Infant
Abstract: 
  • Abstract is in Icelandic

    Markmið þessarar ritgerðar er að gefa innsýn í sorg vegna ungbarnamissis.
    Þessi sorg hefur stundum verið vanmetin eins og kemur fram í ritgerðinni.
    Með ungbarnamissi er átt við missi barna sem fæðast andvana og fram að eins árs
    aldri. Einnig verður lítillega fjallað um andlát á fósturstigi.
    Ég mun leggja áherslu á sorgarferlið og sálgæslu vegna þess. Eins og kemur
    fram í ritgerðinni sorg vegna ungbarnamissis að mörgu leyti sérstök reynsla.
    Það er því nauðsynlegt að draga þetta fram.
    Eftir að ég missti barn sem lifði aðeins í sjö daga fór ég að velta fyrir mér
    sorginni og afleiðingum hennar og er þessi ritgerð m.a. til komin vegna þessa atburðar.
    Við þessa reynslu hrynur heimurinn og hann verður aldrei samur og áður.
    Lífið hefur breyst og verður ekki samt og áður þrátt fyrir að við getum haldið áfram að
    lifa lífi okkar, sinna störfum okkar og gera allt mögulegt sem þarf að gera í hinu flókna
    lífi nútímans. Við færumst frá því að elska í nálægð til þess að elska í fjarlægð eins og
    kemur fram í skilgreiningunni á sorg. Þetta er reynsla mín. En hvernig getur andlát
    ungbarns haft slík áhrif? Um þetta verður fjallað í ritgerðinni.
    Ég tel það líka nauðsynlegt að allir þekki helstu einkenni sorgarinnar til þess að
    auka skilning á henni og að fólk telji ekki einkenni sín vera sjúkleg eða óeðlileg.
    Einnig er þetta nauðsynlegt þeim sem vilja hjálpa svo sem eins og stórfjölskyldan eða
    vinir. Nauðsynlegt er í þessu sambandi að ganga í gegnum sorgina og fara ekki að
    velja flóttaleiðir eins og að drekkja sér í vinnu o.fl. Sorgin getur þá orðið óleyst en
    fjallað er um það í þessari ritgerð. Það er líka mjög æskilegt að aðstandendur
    gangi í gegnum sorgina saman þótt hver og einn kunni að gera það með sínu lagi.
    Hér á eftir kemur lýsing á helstu köflum ritgerðarinnar. Í upphafi
    hennar verður leitast við að skilgreina hvað sorg er. Síðan kemur nokkuð ýtarleg
    lýsing á einkennum sorgar almennt. Þar næst verður fjallað sérstaklega um sorg vegna
    ungbarnamissis. Mikilvægur kafli kemur þar á eftir en hann fjallar um það sérstaka við
    ungbarnamissi. Stutt umfjöllun um þrenns konar missi á fyrsta ári fylgir í kjölfarið.
    Reifuð verða sorgeinstakra fjölskyldumeðlima og þar kemur fyrst sorg foreldra, síðan
    sorg feðra, sorg barna og loks sorg afa og ömmu. Ekki síður mikilvægur en kaflinn um
    hið sérstaka við ungbarnamissi er kaflinn um sálgæslu vegna ungbarnamissis sem
    tekur síðan við. Leitast verður við að skilgreina stuttlega hvað kristin sálgæsla er og
    þar á eftir koma viðtöl við tvo sjúkrahúspresta á Landspítalanum en þau eru Ingileif
    Malmberg og Bragi Skúlason. Þá er næst kafli um viðbrögð þeirra sem vilja hjálpa,
    ættingja og vini, helstu mistök sem þau gera og hvernig þau geta komið að gagni. Það
    sem tekur við að þessu loknu eru kaflar um sorg sem ekki tekst að leysa úr með
    ýmsum undirköflum og lýsing á því hvað er til ráða þegar þetta kemur upp.Þá er
    sérstakur kafli um nauðsyn þess að syrgjendur finni tilgang eftir ungbarnamissi. Að
    lokum kemur útskýring á kvenmyndinni í Biblíunni og síðan um kristna trú í sambandi
    við þennan missi. Þessum kafla er m.a. ætlað að draga fram reynslu konunnar, sem
    hefur stórlega verið vanmetin um aldir, og vera huggunarorð til þeirra sem lenda í
    þessum raunum og útlistun á svörum kristinnar trúar á þeim.
    Skilgreining á sorg.
    Sorg felur í sér miklar breytingar á lífi okkar og öll þurfum við að ganga í gegnum
    hana þegar

Accepted: 
  • Jun 19, 2009
URI: 
  • http://hdl.handle.net/1946/3065


Files in This Item:
Filename Size VisibilityDescriptionFormat 
lokaritger_fixed.pdf463.01 kBOpenHeildartextiPDFView/Open