is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild / Business Department >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30804

Titill: 
  • Áhrif Bitcoin á íslenska bankastarfsemi
Námsstig: 
  • Bakkalár
Útdráttur: 
  • Markmið rannsóknarinnar var að kanna hugsanleg áhrif Bitcoin á íslenska bankastarfsemi á komandi árum. Tekin voru djúpviðtöl við níu einstaklinga sem allir höfðu starfsreynslu úr fjármálageiranum á Íslandi. Fjórir þátttakenda voru starfsmenn í stjórnunarstöðum innan Arion banka sem voru í forsvari fyrir bankann varðandi mögulegar áætlanir og aðgerðir gagnvart Bitcoin. Hinir fimm þátttakendur rannsóknarinnar voru sérfræðingar á hinum ýmsu sviðum fjármálageirans sem gátu veitt rannsakendum meiri innsýn í viðfangsefnið frá fleiri hliðum. Niðurstöður rannsóknarinnar leiddu í ljós að fæstir þátttakendur töldu að Bitcoin myndi hafa áhrif á íslenska bankastarfsemi í nánustu framtíð. Helsti rökstuðningur þeirra var sá að þróun Bitcoin væri svo stutt komin á veg að skortur væri á hvata fólks að nota rafmyntina. Þar að auki væri Ísland framar mörgum löndum í stafrænum lausnum og því myndi Bitcoin ekki leysa sama vandamál á Íslandi og víða annars staðar. Jafnframt munu íslenskir bankar líklega ekki taka frumkvæði í innleiðingu á Bitcoin, heldur bíða fordæmis erlendis frá og taka ákvörðun byggða á því. Þrátt fyrir litla trú þátttakenda á Bitcoin kom í ljós að miklar vonir eru bundnar við Blockchain tæknina, hina undirliggjandi tækni á bak við Bitcoin. Þátttakendur töldu að Blockchain tæknin myndi hafa mikil áhrif á íslenska bankastarfsemi í framtíðinni og bjuggust við að sjá meira af henni á komandi árum.

Samþykkt: 
  • 11.6.2018
URI: 
  • http://hdl.handle.net/1946/30804


Skrár
Skráarnafn Stærð AðgangurLýsingSkráartegund 
Áhrif Bitcoin á íslenska bankastarfsemi - Gunnar Birgisson og Ísak Jasonarson.pdf812.92 kBOpinnHeildartextiPDFSkoða/Opna