is Íslenska en English

Lokaverkefni (Bakkalár)

Háskólinn á Akureyri > Viðskipta- og raunvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/30849

Titill: 
  • Lóðrétt samþætting í saltfiskvinnslu : bitaskurður fyrir Skinney-Þinganes hf.
Námsstig: 
  • Bakkalár
Útdráttur: 
  • Verkefnið fjallar um saltfiskvinnslu Skinney-Þinganess og greiningu á mögulegri breytingu hennar. Fyrirtækið er að fjárfesta í vatnsskurðarvél fyrir botnfiskvinnslu sína á Höfn í Hornafirði og hefja framleiðslu á ferskum afurðum en vill halda saltfiskframleiðslu sinni áfram. Hingað til hefur fyrirtækið einungis framleitt saltar og frystar afurðir. Markmið þessa verkefnis er að skoða hvernig framlegð saltfiskvinnslunnar breytist við innleiðingu vatnsskurðarvélar og ef hafin verður framleiðsla á ýmsum söltum afurðum, þ.e. hnökkum, bitum og bakflökum. En núna eru saltfiskafurðir Skinney-Þinganess einungis flattur fiskur en hann er seldur til milliliða erlendis sem skera hann niður og þurrka. Skoðað verður hvort hægt sé að líta alfarið framhjá þessum milliliðum með því að skera fiskinn niður í neytendaafurðir með vatnskurðarvél og selja þær beint til stórmarkaða, í þessu tilfelli Mercadona á Spáni.
    Skinney-Þinganes á Höfn var heimsótt þar sem saltfiskvinnsla fyrirtækisins var greind og möguleg flæði á saltfiskvinnslunni með vatnsskurðarvél voru áætluð með hjálp starfsmanna fyrirtækisins. Sett voru upp tvær mögulegar útfærslur af saltfiskvinnslunni með vatnsskurðarvél og þær skoðaðar út frá nýtingu hráefnisins, verðmætum og vinnslukostnaði. Núverandi vinnsla var einnig skoðuð út frá þessum þáttum og voru allar þrjár vinnsluútfærslurnar bornar saman.
    Niðurstöður verkefnisins eru þær að framlegð saltfiskvinnslu Skinney-Þinganess myndi aukast mikið við það að framleiða niðurskorna bita með vatnsskurðarvél í stað flatts þorsks. Framlegð einnar vinnsluútfærslunnar með innleiddri vatnsskurðarvél er tæplega einni milljón ISK meiri á dag en núverandi saltfiskvinnsla Skinney-Þinganess, ef miðað er við að unnin væru 30 tonn af slægðum þorski á dag. En komist var að því að ekki er hægt að selja afurðirnar beint inná stórmarkað þar sem rakastig þeirra er yfir neytendakröfum á Spáni. Ef framleiða ætti afurð sem hægt væri að selja beint á stórmarkað þyrfti að fjárfesta í þurrkunarofni sem myndi lækka rakastig afurðarinnar að kröfum neytenda.
    Lykilorð: framlegð, saltfiskur, vatnsskurður, verðmætasköpun, lóðrétt samþætting

  • Útdráttur er á ensku

    This paper analysis the possible modification of Skinney-Þinganes fish plant. Skinney-Þinganes is investing in a water-jet machine to their plant in Höfn for the procession of fresh fish and they want to know if the machine could be utilized in that sector as well. The purpose of the paper is to examine how the plant's gross profit changes by producing a full processed product using a water-jet instead of producing split fish that could be sold directly to supermarkets.
    The salt fish processing of Skinney-Þinganes plant in Höfn was analyzed, and possible flow of the saltfish process with a water-jet was estimated with help from the company´s employees. The companies present processing form along with two possible embodiments of saltfish processing with a water-jet were examined from the materials utilization, value and processing costs.
    This papers result showed that the gross profit of the plant would increase significantly if it would implement water-jet and produce cut cod pieces instead of split cod. The gross profit would increase about one million ISK per day, based on the production would be 30 tons of cod. On the other hand, the products could not be sold directly to supermarkets because of the saltfish humidity exceeds consumer requirements in Spain. The company would have to invest in a drying oven to be able to produce a product, that meets consumers requirements, and could be sold directly to supermarkets in Spain. Keywords: gross profit, saltfish, water-jet cutting, capital gain, vertical integration

Athugasemdir: 
  • Verkefnið er lokað til 01.01.2028.
Samþykkt: 
  • 11.6.2018
URI: 
  • http://hdl.handle.net/1946/30849


Skrár
Skráarnafn Stærð AðgangurLýsingSkráartegund 
Vignir Fannar - Lóðrétt samþætting í saltfiskvinnslu.pdf4.7 MBLokaður til...01.01.2028HeildartextiPDF