Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/30961
Mannkynið stendur frammi fyrir þeim vanda að fataframleiðsla er annar mest mengandi iðnaður í heimi og brýtur oft á réttindum bæði verkafólks og neytenda. Að mínu mati þarf að endurhugsa framleiðsluferlið sjálft og skoða nýja möguleika í textílvali. Vert er að hafa sjálfbærni í huga en breyta þarf hugsun okkar um sambandið við náttúruna og vernd hennar. Vitundarvakning neytenda og ákall eftir gagnsæi mun líklega ýta iðnaðinum út í hringlaga hagkerfi með endurnýtanlegum textíl. Ég leitast við að ræða lausnir í framtíðartextíl sem notast við bakteríur og líftækni í framleiðslu sinni. Mörg verkefni eru á tilraunastigi þar sem bakteríur eru nýttar á ólíka vegu í gerð fatnaðar. Slíkir möguleikar eru til staðar í efnisvali sem á endanum munu verða samkeppnishæfir og raunhæfir kostir. Fataiðnaðurinn er að mestu drifinn áfram af gömlum hefðum og til þess að knýja á um breytingar þurfa hönnuðir og neytendur að vinna saman að því að gera fatnað framtíðarinnar að vistvænni afurð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Gagnsæi í gerjun.pdf | 1,03 MB | Opinn | Heildartexti | Skoða/Opna |