en English is Íslenska

Thesis University of Akureyri > Heilbrigðisvísindasvið > Meistaraprófsritgerðir >

Please use this identifier to cite or link to this item: http://hdl.handle.net/1946/3098

Title: 
  • is Áhrif svæðameðferðar á þunglyndi og kvíða : að meðhöndla hið stóra í gegnum hið smáa
Abstract: 
  • is

    Rannsókn þessi var gerð til að kanna áhrif svæðameðferðar, náttúrulegrar og heildrænnar
    meðferðar, á þunglyndi og kvíða. Þunglyndi vegur hvað þyngst í að veikja heilsufarslegt
    ástand samanborið við aðra sjúkdóma. Rannsóknir hafa sýnt fram á að svæðameðferð dragi úr
    kvíða en áhrif hennar á þunglyndi eru óþekkt. Rannsóknin var framskyggn, slembuð meðferð-
    arprófun með víxlsniði þar sem þátttakendum í rannsókninni var skipt með tilviljunaraðferð í
    tvo hópa. Þátttakendur í rannsókninni voru 17 einstaklingar sem greindir höfðu verið þung-
    lyndir af lækni.
    Eftirfarandi rannsóknartilgátur og -spurningar voru settar fram: Svæðameðferð dregur
    marktækt úr þunglyndi mælt með þunglyndiskvarða Beck. Svæðameðferð dregur marktækt úr
    kvíða mælt með kvíðakvarða Spielberger. Er marktækur munur á þunglyndi milli hópa A og
    B eftir meðferð? Er marktækur munur á kvíða milli hópa A og B eftir meðferð? Er marktækur
    munur á þunglyndi hjá hóp A og B milli tíma 1, 2 og 3? Er marktækur munur á kvíða hjá hóp
    A og B milli tíma 1, 2 og 3?
    Hver þátttakandi rannsóknarinnar svaraði spurningalistum og viðtölum þrisvar á 16
    vikna rannsóknartímabili og fékk 10 svæðameðferðir á meðferðartímanum. Áhrif meðferðar
    voru mæld með þunglyndiskvarða Beck og kvíðakvarða Spielberger, Y-I og Y-II, og með við-
    tölum. Áreiðanleikastuðlar þunglyndiskvarða Beck og kvíðakvarða Spielberger, Y-I, voru
    ásættanlegir en áreiðanleiki Y-II var mjög lágur miðað við áreiðanleikastuðul kvarðans í
    heild. Við úrvinnslu var notuð lýsandi tölfræði, línuleg aðhvarfsgreining og parað t-próf.
    Parað t-próf sýndi að svæðameðferð hafði jákvæð áhrif á þunglyndi, bæði strax eftir meðferð
    og eftir 16 vikur, miðað við svörun á þunglyndiskvarða Beck hjá bæði A- og B-hóp (p =
    0,000). Meðferðin virðist einnig draga úr ástandskvíða (p = 0,000) en lyndiskvíði jókst (p =
    0,014).
    Rannsóknarniðurstöður gefa vísbendingar um að svæðameðferð dragi úr þunglyndi og
    ástandskvíða og að skoða megi svæðameðferð sem sjálfstæða- og/eða viðbótarmeðferð við
    þunglyndi og kvíða. Niðurstöður gefa jafnframt tilefni til frekari rannsókna um hvernig meðferðin þjóni best skjólstæðingum innan sem utan heilbrigðiskerfisins.

Description: 
  • is Verkefnið er lokað til janúar 2010
Accepted: 
  • Jun 24, 2009
URI: 
  • is http://hdl.handle.net/1946/3098


Files in This Item:
Filename Size VisibilityDescriptionFormat 
Holmfridur_Skemma_fixed.pdf3.93 MBOpenÁhrif svæðameðferðar á þunglyndi og kvíða - heildPDFView/Open