is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31012

Titill: 
  • Kynjamunur á 10-12 ára börnum í körfubolta : sjálfsmat, líðan, markmiðasetning og stuðningur
Námsstig: 
  • Bakkalár
Útdráttur: 
  • Þessi lokaritgerð er unnin til BA prófs í sálfræði við Háskólann á Akureyri. Markmiðið með þessari ritgerð var að athuga hvort kynjamunur sé til staðar á sjálfsmati, markmiðasetningu, líðan og stuðningi hjá 10-12 ára gömlum börnum í körfubolta. Einnig var lögð áhersla á að skoða samband sjálfsmats og markmiðasetningar hjá börnunum og hvort stuðningur frá foreldrum og þjálfurum barnanna tengist hærra sjálfsmati í íþróttinni. Lagður var spurningalisti fyrir 32 stúlkur og 29 drengi sem æfa körfubolta með Haukum og Njarðvík og svörin tekin saman í tölfræðiforriti. Í ljós kom að kynjamunur var verulega lítill í flestum spurningunum. Aðeins var marktækur munur á milli kynja hvað almenna líðan og stuðning frá þjálfara varðar. Stúlkunum leið almennt betur á æfingum og sögðu þjálfarann frekar hvetja sig til þess að setja sér markmið heldur en drengirnir. Einnig var afgerandi munur á þeim körfuboltafyrirmyndum sem börnin velja sér. Bæði var jákvæð fylgni á milli sjálfsmats og markmiðasetningu sem og sjálfsmats og stuðnings. Meirihluti niðurstaðanna var í samræmi við fyrri rannsóknir en ýmsir þættir rannsóknarinnar hafa ekki verið rannsakaðir áður.

Samþykkt: 
  • 12.6.2018
URI: 
  • http://hdl.handle.net/1946/31012


Skrár
Skráarnafn Stærð AðgangurLýsingSkráartegund 
BA-kynjamunur-á-börnumPDFLOKA.pdf920.37 kBOpinnHeildartextiPDFSkoða/Opna