is Íslenska en English

Lokaverkefni (Meistara) Háskólinn í Reykjavík > Tækni- og verkfræðideild > MEd / MPM / MSc verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31306

Titill: 
  • Glerþak í verkefnastjórnun: Hæfniþátturinn fjármál notaður sem mælistika á kynjamun í faginu
Námsstig: 
  • Meistara
Leiðbeinandi: 
Útdráttur: 
  • Markmið rannsóknarinnar var að nota hæfniþáttinn fjármál eins og hann er settur fram í Grunnviðmiðum IPMA um hæfni verkefnastjóra, ICB4, sem mælistiku á kynjamun í verkefnastjórnun. Einnig er kannað hvaða leiðir innan hæfniþáttarins fjármál eru hluti af starfi íslenskra verkefnastjóra og hvaða áhrif vottunarstig hefur á notkun hans. Til þess að kanna þetta var sendur út megindlegur spurningalisti til allra IPMA-vottaðra verkefnastjóra á Íslandi.
    Niðurstöður benda til þess að karlar komi í mun meira mæli að fjármálatengdum hæfniþáttum en konur og fer kynjamunurinn stigvaxandi eftir því sem vottunarstigið er hærra. Munurinn verður að hluta til skýrður með lægra vottunarstigi kvenna en karla en þó alls ekki að öllu leyti. Þetta styður við þá kenningu að konur séu fastar í vítahring smærri og ódýrari verkefna og fái síður tækifæri til þess að spreyta sig á umfangsmeiri verkefnum en karlar.
    Niðurstöður rannsóknarinnar benda sömuleiðis til þess að íslenskir verkefnastjórar komi frekar að kostnaðarhlið þeirra verkefna sem þeir stýra en síður að fjármálatengslum við skipuheildina eða þróun sviðsmynda fyrir fjárhagsramma og að þeir séu almennt í litlum tengslum við fjármögnun þeirra verkefna sem þeir stýra.

Samþykkt: 
  • 18.6.2018
URI: 
  • http://hdl.handle.net/1946/31306


Skrár
Skráarnafn Stærð AðgangurLýsingSkráartegund 
Glerthak-i-verkefnastjornun.pdf810.06 kBOpinnHeildartextiPDFSkoða/Opna