Innleiðing róbótatækni í verkferlum endurskoðenda

Abstract

Markmið þessa verkefnis er að kanna hvort hægt sé að notast við sjálfvirknivæðingu ferla með skrifstofuþjörkum (e. robotic process automation) við endurskoðun viðskiptavina Deloitte. Í þessu verkefni voru verkferlar innan endurskoðunar Deloitte greindir með það fyrir augum að gera þá sjálfvirka. Framkvæmd voru djúpviðtöl til þess að kanna hvaða ferlar voru til þess fallnir að sjálfvirknivæða. Að því loknu var einn verkferill tekinn sérstaklega fyrir þar sem framkvæmd var á honum ferlaskráning og hann frekar undirbúinn fyrir sjálfvirknivæðingu. Niðurstöður verkefnisins sýndu fram á það að Deloitte gæti notað sjálfvirknivæðingu ferla með skrifstofuþjörkum við endurskoðun viðskiptavina sinna upp að vissu marki. Einnig kom í ljós að sjálfvirknivæðing ferla gat leitt til lægri kostnaðar, aukinnar framleiðni og aukinnar ánægju starfsmanna sem starfa við endurskoðun hjá Deloitte.