is Íslenska en English

Lokaverkefni (Bakkalár) Háskólinn í Reykjavík > Viðskiptadeild > BSc verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31366

Titill: 
  • Viðhorf markaðsstjóra á mikilvægi jafnra kynjahlutfalla í markaðsteymum
Námsstig: 
  • Bakkalár
Útdráttur: 
  • Markmið rannsóknarinnar var velta upp þeim þáttum sem hafa áhrif á teymasamsetningar á markaðssviðum íslenskra fyrirtækja og þá sérstaklega hlutföll kynja í þessum teymum og hvort breyting hafi orðið á hugarfari innan markaðsteyma varðandi ólíka styrkleika kynjanna. Leitast var við að svara þessum þremur rannsóknarspurningum; skipta kynjasjónarmið markaðssstjóra
    máli við samsetningu teyma? Hefur hlutverk markaðsmála breyst á undanförnum árum með tilkomu stafrænnar nálgunar á markaðsstarfið og að lokum hvort undirskrift á jafnréttissáttmála UN Women hafi áhrif á kynjasamsetningar markaðsteyma? Djúpviðtöl voru notuð við rannsóknina og voru tíu þátttakendur valdir með tilgangsúrtaki en allir voru þeir markaðsstjórar í fyrirtækjum með 200 starfsmenn eða fleiri. Rannsakandi lagði áherslu á að þátttakendur væru
    starfandi í ólíkum geirum í atvinnulífi landsins og hefðu reynslu af starfsemi teyma. Í
    rannsóknininni er fjallað um hlutverk teyma og hlutverk markaðsmála yfir höfuð en einnig er farið yfir stöðu jafnréttismála hér á landi og aukna áherslu á þann ávinning sem hlýst í teymum með aukinni fjölbreytni. Farið er yfir þá aðferðafræði sem notast var við í rannsókninni. Helstu niðurstöður gefa til kynna að aukin áhersla sé á jöfn kynjahlutföll í markaðsteymum en meirihluti þátttakenda rannsóknarinnar sögðu það skipta máli að teymi væru skipuð báðum kynjum til þess að hægt væri að hámarka árangur teymisins eða sex af tíu þátttakendum. Þá voru markaðsteymi þeirra viðmælenda sem skrifað höfðu undir jafnréttissáttmála UN Women
    oftar skipuð báðum kynjum heldur en þeirra sem ekki höfðu skrifað undir sáttmálann og kom einnig ákveðið mynstur í ljós varðandi breytt hlutverk markaðsmála í átt að stefnumótun frekar en hönnunarvinnu en markaðsáherslur þátttakenda voru ólíkar og misjafnt hvort þeim þótti mikilvægt að meðlimir markaðsteyma væru skapandi. Í kjölfarið voru niðurstöður bornar saman við kenningar og fyrri rannsóknir.

Samþykkt: 
  • 19.6.2018
URI: 
  • http://hdl.handle.net/1946/31366


Skrár
Skráarnafn Stærð AðgangurLýsingSkráartegund 
Helga_Hauksdottir_BSc.pdf1.26 MBOpinnHeildartextiPDFSkoða/Opna