Vefa utan vefstóls : greinargerð með verkefnahefti

Abstract

Verkefnið er tilraunaverkefnahefti með vefnaðarverkefnum sem unnin eru utan hefðbundins vefnaðarstóls ásamt greinargerð með fræðilegum hluta og gerð og uppbyggingu verkefnaheftisins. Í vinnu við gerð hvoru tveggja var leitast eftir því að svara rannsóknarspurningunni: Hvernig er hægt að kenna vefnað á einfaldan og skapandi hátt utan hefðbundins vefstóls með endurnýtingu að leiðarljósi? Svara mætti þessari spurningu, eftir að hafa unnið öll verkefnin sem eru í verkefnaheftinu, á þann hátt að það er vel hægt kenna undirstöðuna í vefnaði með því að vinna með einfaldar grunnaðferðir, leyfa hugmyndafluginu að ráða ferðinni, vera opin fyrir þeim efnivið sem er í kringum okkur og vinna út frá skemmtilegri fyrirmynd sem gefur manni innblástur í verkið. Í verkefnaheftinu sem heitir „Vefa utan vefstóls“ er gert ráð fyrir að verkefnin séu fyrir nemendur á miðstigi grunnskólans, sem er 5.-7. bekkur, en þó má á auðveldan hátt útfæra þau fyrir yngsta og elsta stig. Heftið inniheldur níu hugmyndir að vefnaðarverkefnum sem öll eiga það sameiginlegt að vefuppistaða þeirra er með óhefðbundnum hætti og þau eru úr endurnýtanlegum efnum. Í greinargerðinni verður fjallað í stuttu máli um sögu vefnaðar, vefnað á Íslandi, hvað vefnaður er auk þess sem farið er yfir kennslufræðilegar áherslur í sambland við Aðalnámskrá grunnskóla. Í lokin er farið í uppbyggingu og gerð verkefnaheftisins og samantekt efnisins.