Strandanornir í umræðu : kennsluleiðbeiningar

Abstract

Greinargerð þessi og kennsluleiðbeiningar eru lagðar fram sem lokaverkefni til B.Ed.-prófs við kennaradeild Háskóla Íslands. Unnið er með bókmenntakennslu fyrir mið- og unglingastig. Lokaverkefnið skiptist í tvo hluta, annars vegar kennsluleiðbeiningar með skáldsögunni Strandanornir eftir Kristínu Helgu Gunnarsdóttur og hins vegar greinargerð sem fylgir þeim. Kennsluleiðbeiningarnar eru heildstæður námsþáttur sem hægt er að nota við vinnu með bókina frá upphafi til enda eða getur nýst sem hugmyndabanki fyrir kennara þegar kennsla er undirbúin. Markmiðið með gerð þeirra er að efla læsi nemenda í víðum skilning samkvæmt Aðalnámskrá grunnskóla (2013). Lögð er áhersla á lestraraðferðir þar sem allir lesa og aðferðir sem mynda umræður innan nemendahópsins. Verkefnið í heild sinni getur verið gagnlegur leiðarvísir fyrir kennara í bókmenntakennslu.