Hjarta völundarhússins : spunaspil

Abstract

”Hjarta völundarhússins: spunaspil” er verkefni til B.Ed.-prófs í grunnskólakennslufræðum við Háskóla Íslands. Hjarta völundarhússins er spunaspil sem hægt er að nota í kennslu og er ætlað sem spunaspil fyrir nemendur á eldra stigi grunnskóla. Spilið byggir á borðspilum, spuna og sögu. Markmið verkefnisins er tvíþætt; annars vegar að búa til nýtt spunaspil sem sækir innblástur frá spunaspilinu Pathfinder ásamt hönnun reglubæklings og skrímslabókar fyrir nemendur á elsta stigi grunnskóla. Hins vegar að vekja áhuga grunnskólakennara á nýtingu spunaspilsins til kennslu. Í þessari greinargerð er sýnt fram á kennslufræðilegt gildi þeirra þátta sem mynda spunaspilið, þ.e. borðspil, spuni og sögur. Fjallað verður um hvernig spunaspil getur hjálpað nemendum sem eiga erfitt með að ná tökum á hæfnisviðmiðum námsþátta aðalnámskrá grunnskóla. Fjallað verður um hvað fræðimenn og rannsóknir þeirra segja um borðspil og nýtingu þeirra í kennslustund. Skoðað er spunaspil og hvernig þeim er háttað, hvað það er sem þátttakendur eru að fara í gegnum þegar þeir spila spunaspil og hvaða námsþætti þátttakendur efla á því að spila spunaspil. Höfundur notar sína eigin reynslu á spunaspilum og kennslu og ber hana saman til þess að hvetja aðra grunnskólakennara til að kynna sér spunaspil og notkun þeirra í kennslustundum.