is Íslenska en English

Lokaverkefni (Meistara)

Háskóli Íslands > Verkfræði- og náttúruvísindasvið > Meistaraprófsritgerðir - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31447

Titill: 
  • Hjólreiðaslys á Íslandi 2011 - 2016. Rannsókn á alvarleika meiðsla hjá hjólreiðamönnum
Námsstig: 
  • Meistara
Útdráttur: 
  • Hjólreiðar hafa stóraukist undanfarin ár hér á landi, og sést sú aukning helst á höfuðborgarsvæðinu. Mikið er lagt upp úr því að halda áfram þeirri aukningu með skipulöguðum áætlunum um fjölgun og eflingu vistvænna samganga. Á sama tíma og hjólreiðanotkun hér á landi eykst þá hefur orðið fjölgun á hjólreiðaslysum. Mikilvægt er að með aukinni notkun á reiðhjólum sé horft til þess að efla umferðaröryggi hjólandi vegfaranda. Skoðuð verða gögn frá Samgöngustofu, en stofnunin sér um slysaskráningu vegna umferðaslysa sem byggjast á lögregluskýrslum. Gögnin ná yfir tímabilið 2011 til 2016 þar sem umferðarslys með reiðhjólum eru samtals 938, þar sem fjöldi hjólreiðamanna voru 994 einstaklingar. Greint verður eftir alvarleika meiðsla sem skiptist í flokkanna banaslys, mikil meiðsl, lítil meiðsl og engin meiðsli. Sýndu niðurstöður rannsóknarinnar að slysahlutfall hjólreiðamanna var 0,10% (banaslys), 17,7% (mikil meiðsl), 47,2% (lítil meiðsl) og 35,0% (engin meiðsl). Kom greinilega í ljós fjölgun á hjólreiðaslysum yfir tímabilið og var hún vaxandi á milli ára þrátt fyrir smá fækkun árið 2015. Fjöldi slysa með litlum meiðslum jókst þegar leið á tímabilið en hjólreiðaslys með miklum meiðslum eru hlutfallslega jafn mörg á milli ára. Slys hjólreiðamanna með alvarleg meiðsli (banaslys og mikil meiðsli) eftir fall af reiðhjóli án áreksturs við annað ökutæki voru marktækt fleiri en hjólreiðaslys með alvarlegum meiðslum vegna áreksturs við ökutæki eða milli hjóla. Gefur þetta til kynna vanskráningu á hjólreiðaslysum með minniháttar meiðslum þar sem þörfin á að tilkynna til lögreglu er lítil eða engin þegar hjólreiðamenn falla af reiðhjóli án áreksturs við annað ökutæki. Hjólreiðaslys sem gerast við önnur birtuskilyrði en dagsbirtu voru líklegri til að valda alvarlegum meiðslum heldur en þau slys sem gerast við dagsbirtu. Mikilvægt er því að fylgjast með notkun reiðhjóla ásamt slysatíðni því með betri slysagögnum er hægt að tryggja betra öryggi og leysa möguleg vandamál. Það er því hægt að segja að skráning á slysum sé stór partur af mikilvægi þess að tryggja öryggi, þar sem koma þarf í veg fyrir vanskráningu á slysum og eða tengja saman skráningu slysa hjá lögreglu og sjúkrastofnunum. Að lokum þarf að halda áfram að tryggja hjólreiðamönnum bættar hjólaleiðir ásamt því að auka fræðslu og forvarnir.

  • Útdráttur er á ensku

    Cycling in Iceland has greatly increased over the last few years with the capital region accounting for most of the growth. A focus is on maintaining and further stimulating this increase through strategic plans that incorporate the further development of ecofriendly transportation. As the number of cyclists has increased so has the number of bicycle crashes. It is therefore important to implement measures that improve road safety for cyclists. This study analysed data from the Icelandic Transport Authority. The organisation is responsible for collecting and registering all traffic and road crashes based on reports they receive from the police. The data analysed was collected between 2011 and 2016, during this period a total of 938 road bike crashes, including 994 cyclists, occurred. The crashes were divided into 4 main categories; fatal injuries, major injuries, minor injuries, and no injuries. This research found that the crash share for cyclists was 0.10% fatal injuries, 17.7% major injuries, 47.2% minor injuries, and 35.0% no injuries. The data indicated that there was an upwards trend in the number of road bike crashes over the time period despite a small decrease in 2015. While the number of crashes where cyclists incurred major injuries were proportionally stable across the period, the number of crashes with minor injuries increased over the past few years. The number of cycling crashes that caused severe injuries (fatalities and major injuries) after a fall without contact with another vehicle were significantly higher than crashes that caused severe injuries due to an impact with vehicles or another bike. This finding indicates that not all crashes are being reported to the police. In particular crashes where an individual falls off their bike without contact with another vehicle and only sustains minimal injuries, as they might not see the need for contacting the police in such instances. The study further found that crashes which occurred in darkness were more likely to cause serious injuries than those that happened during daylight. It is important to monitor the use of road bikes and the rate of crashes carefully as an improved crash register can help ensure the safety of cyclist and solve any potential issues. Therefore, it is proposed that the proper recording of all crashes is a major component in developing measures to enhance road safety, better reporting could be achieved by linking police and hospital records. Finally, it is recommended that authorities continue to improve road conditions and cycling paths whilst also providing additional educational and preventative measures.

Samþykkt: 
  • 4.7.2018
URI: 
  • http://hdl.handle.net/1946/31447


Skrár
Skráarnafn Stærð AðgangurLýsingSkráartegund 
Hjólreiðaslys á Íslandi 2011-2016.pdf1.44 MBOpinnHeildartextiPDFSkoða/Opna
yfirlýsing, undirskrift.pdf105.59 kBLokaðurYfirlýsingPDF