Máltaka og orðaforði barna á leikskólaaldri : tengsl málskilnings og læsis

Abstract

Ritgerð þessi er 10 eininga lokaverkefni til B.Ed.-gráðu í leikskólakennarafræðum við Menntavísindasvið Háskóla Íslands. Markmið ritgerðarinnar er að skoða orðaforða barna á aldrinum 0–6 ára og þróun hans á þessu aldursbili sem felur í sér leikskólaaldurinn. Í ritgerðinni er leitast við að draga fram mikilvægi góðs orðaforða fyrir einstaklinginn og skilgreina helstu hugtök, sem þessum fræðum tengjast, sem eru máltaka barna og orðaforði. Leikskólaaldur er meðal mikilvægustu tímabila í þroska barna. Á þessum aldri verður mesta þróunin í þroska barnsins á sviði tilfinninga, máls og hugsunar. Þróun orðaforða og persónuleika barnsins er veruleg. Orðaforði er grundvöllur lesskilnings. Lesskilningur er mikilvægur hluti af hagnýtu læsi hvers einstaklings. Þróun orðaforða er flókið ferli. Þess vegna er mikilvægt að dýpka hann og bæta. Það er afar mikilvægt – ekki aðeins í barnæsku heldur einnig í gegnum allt lífið.