Heimilisfræðikennsla í skóla án aðgreiningar

Abstract

Heimilisfræði hefur verið hluti af íslenska skólakerfinu í áratugi og hefur allan þann tíma þjónað þeim tilgangi að undirbúa einstaklinginn undir sjálfstætt líf á fullorðinsárum. Hugmyndafræði skóla án aðgreiningar stefnir að því að öll börn fái að njóta jafnra tækifæra til náms og á það einnig við í heimilisfræði. Með því að bera saman fræðilegt efni um kennsluhætti skóla án aðgreiningar og heimilisfræðinnar getum við séð hvort að heimilisfræðikennsla stefni að sömu markmiðum og skóli án aðgreiningar. Að öllu leyti virðast markmið heimilisfræðikennslu vera í samræmi við markmið skóla án aðgreiningar en engar rannsóknir eru fyrirliggjandi um hvernig komið er til móts við fjölbreytta nemendahópa í heimilisfræði, hvorki á alþjóðlegum grundvelli né á Íslandi. Bendir það helst til þess að heimilisfræði sem fag hefur ekki verið rannsökuð sérstaklega og hafa hagir og aðgengi minnihlutahópa að náminu ekki verið skoðaðir.