Allir eru einstakir : aðkoma þroskaþjálfa að einstaklingsmiðuðu námi í grunnskóla

Abstract

Þetta verkefni fjallar um hlutverk þroskaþjálfa í grunnskólum á Íslandi. Það fjallar einnig um einstaklingsmiðað nám, einstaklingsnámskrár og áætlanir. Markmið verkefnisins var að skoða og skilgreina hlutverk þroskaþjálfa sem nauðsynlegs og mikilvægs fagaðila í samstarfi um einstaklingsmiðað nám í grunnskóla. Einnig að skoða hvernig námi fyrir börn með sérþarfir er háttað og hvernig lögin um það hljóma. Með öðrum orðum hvert er hlutverk þroskaþjálfa og hvers vegna þurfa þeir að vera hluti af einstaklingsmiðuðu námi nemenda? Til að leita svara við þessari spurningu voru lög og reglugerðir um efnið, aðalnámskrá grunnskóla, viðtöl við þroskaþjálfa og stjórnendur grunnskóla helstu gögn sem stuðst var við. Þroskaþjálfar eru mikilvægur hlekkur í starfsmannaflóru grunnskólana í samvinnu við aðrar stéttir. Þeir eru lítið sem ekkert nefndir í lögum og reglugerðum um nám eða menntun og fer verkefnið í að reyna að sýna fram á mikilvægi þeirra.