„Hlustaðu fyrst, talaðu svo" : hvernig þjónandi leiðtogar geti dregið úr neikvæðum samskiptum á vinnustað

Abstract

Umræða um líðan starfsmanna á vinnustað hefur verið mjög áberandi í samfélaginu að undanförnu. Með opnum samtölum í samfélaginu um áreitni hefur margt komið í ljós sem betur má fara. Öll getum við verið sammála því að eitthvað þurfi að breytast í sambandi við neikvæð samskipti á vinnustað og með þessari ritgerð er skoðaður sá vinkill hvort þjónandi leiðtogar geti verið svarið við þeim breytingum. Margt getur flokkast undir neikvæð samskipti en hér verður einblínt á áreitni, kynferðislega áreitni og einelti. Þessi ritgerð er heimildaritgerð sem byggð er á fyrirliggjandi gögnum.Niðurstöður gefa til kynna að tengsl eru á milli jákvæðra samskipta á vinnustað og mikillar starfsánægju og góðs árangurs fyrirtækisns og tengsl eru á milli neikvæðra samskipta og lítillar starfsánægju og árangurs. Einnig sýna niðurstöður að með þjónandi leiðtoga sem yfirmann voru samskipti betri og lítið var um neikvæð samskipti. Það gæti verið vegna þess að fræðin segja okkur að þjónandi leiðtogi sé fyrst og fremst þjónn sem tileinkar sér það að huga vel að andlegri sem og líkamlegri líðan allra starfsmanna sinna.Lykilhugtök: þjónandi leiðtogi, starfsmenn, neikvæð samskipti, andleg og líkamleg líðan.