is Íslenska en English

Lokaverkefni Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3154

Titill: 
  • Sköpunarhæfni barna í textílmennt
Leiðbeinandi: 
Útdráttur: 
  • Í þessari ritgerð er fjallað um rannsókn þar sem leitast var við að skilgreina, skilja og skoða hugtakið sköpunarhæfni út frá ýmsum sjónarhornum. Markmið rannsóknarinnar var komast að því hvernig hægt væri að efla sköpunarhæfni barna í 2. og 3. bekk í textílmennt. Meginrannsóknarspurningin var: Er hægt að efla sköpunarhæfni nemenda á yngsta stigi grunnskóla í textílmennt? Og ef svo er hvernig? Fræðileg undirstaða rannsóknarinnar er byggð á skilgreiningum fræðimanna frá ýmsum löndum á hugtakinu sköpunarhæfni. Því næst er fjallað um rannsóknir og kenningar um sköpunarhæfni, hvað sköpunarhæfni sé, hvernig hún sé til komin, hvað hafi áhrif á hana og hvernig hún verði efld. Enn fremur er gerð grein fyrir kennsluaðferðum sem miða að því að efla sköpunarhæfni. Rannsóknin sjálf var gerð í 2. og 3. bekk í textílmennt þar sem rannsakandi kenndi í sjö vikur eftir kennsluáætlun sem unnin var upp úr Aðalnámskrá grunnskóla(1999) og miðaði að því að efla sköpunarhæfni nemendanna. Kennsluáætlunin lá til grundvallar í rannsókninni sem gekk út á að leiðbeina nemendunum og greina samtímis og meta hvaða áhrif umhverfið hefði, hvernig ætti að skipuleggja kennslu í textílmennt, hvaða hlutverki kennarinn gegndi og hvort hægt væri að meta sköpunarhæfni nemenda. Til að leita svara við spurningunum var stuðst við aðferðir tilviksrannsóknar (e. case study) þar sem gögnum var safnað með dagbókarskrifum, áhorfsathugunum, umræðum og óformlegum og formlegum samtölum við nemendur og kennara textílmenntar. Að auki hafði rannsóknin ýmis einkenni sjálfsrannsóknar (e. self study) þar sem rannsakandinn leitaðist við að rannsaka sjálfan sig til og þær leiðir sem hann fór til aukins sjálfsþroska og faglegs þroska. Meginniðurstaða rannsóknar sýndi að umhverfið, hefðir, venjur og áherslur í kennsluháttum geta haft mikil áhrif á sköpunarhæfni barna. Með því að leggja áherslu á að nemendur vinni á markvissan hátt með eigin hugmyndir, þrói þær, rannsaki, geri tilraunir og dragi niðurstöður af tilraunum sínum samfara því að læra aðferðir til að útfæra hugmyndirnar með má að öllum líkindum efla sköpunarhæfni barna.

Athugasemdir: 
  • Verkefnið er lokað
Samþykkt: 
  • 1.7.2009
URI: 
  • http://hdl.handle.net/1946/3154


Skrár
Skráarnafn Stærð AðgangurLýsingSkráartegund 
forsida_utdrattur_fixed.pdf130.33 kBOpinnForsíða og útdrátturPDFSkoða/Opna
Heimildir_fixed.pdf89.29 kBOpinnHeimildirPDFSkoða/Opna
ritgerd_fixed.pdf1.7 MBLokaðurM.ed. ritgerð. PDF