Hvað svo? : hvað tekur við að loknu námi af sérnámsbraut í framhaldsskólum

Abstract

Aðgengi að upplýsingum um atvinnu, nám og tómstundir, sem stendur fötluðu fólki sem útskrifast af sérnámsbrautum framhaldsskóla til boða, er ábótavant. Þetta lokaverkefni er unnið með það í huga að auka upplýsingaflæði til fatlaðs fólks. Lokaverkefnið skiptist í tvo hluta, greinargerð og heimasíðu. Greinargerðin fjallar um þann fræðilega bakgrunn sem þarf til að útbúa heimasíðu sem þessa. Samningur Sameinuðu þjóðanna um réttindi fatlaðs fólks var hafður að leiðarljósi ásamt því að stefnur og straumar bandarískra og íslenskra rannsókna hvað varðar atvinnu, nám og tómstundir fyrir fatlað fólk voru skoðaðar og bornar saman. Lagt var upp úr því að aðgengi fyrir alla væri stór þáttur, bæði þegar kom að greinargerðinni og að gerð heimasíðunnar. Í seinni hluta greinargerðarinnar er greint frá vefsíðunni, hönnun hennar og framkvæmd. Heimasíðan er hugsuð sem upplýsingarsíða fyrir fatlað fólk sem útskrifast hefur af sérnámsbrautum framhaldsskólanna, og aðstandendur þeirra. Með því að gera heimasíðu erum við að gera upplýsingarnar aðgengilegri en nú áður hefur verið. Heimasíðan greinir frá þeim möguleikum sem standa fötluðu fólki til boða þegar kemur að atvinnu, námi og tómstundum.