Brennuvargur eða brunaliði? Zhou Enlai og hlutverk hans í Menningarbyltingunni í Kína

Abstract

Ritgerðin er lokaverkefni til B.A gráðu í kínverskum fræðum við Háskóla Íslands. Hún fjallar um ævi Zhou Enlai (1898-1976), fyrrum forsætis- og utanríkisráðherra Kína, og hluverk hans í Menningarbyltingunni í Kína. Fjallað verður um ævi og störf Zhou Enlai frá barnæsku allt til dauðadags. Farið verður yfir þá atburði sem mótuðu hann á yngri árum og vegferð hans með Kommúnistaflokknum og sigur kommúnista á þjóðernissinum í borgarastríðinu í Kína, þar sem hann hafði mikil áhrif á útkomu stríðsins. Fjallað verður um störf hans sem forsætis- og utanríkisráðherra Kína frá stofnun Alþýðulýðveldisins árið 1949 fram að Menningarbyltingunni sem hófst árið 1966. Að því loknu verður fjallað almennt um Menningarbyltinguna í Kína og hlutverk Zhou Enlai, sem hægri hönd Mao, í henni og lagt mat á það hvort hann var samsekur í hörmungunum (brennuvargur) eða hafi í raun bjargað því sem bjargað varð (brunaliði).