„Það sé tákn sáttmálans milli mín og ykkar“

Abstract

Vorið 2018 var lagt fram á Alþingi frumvarp sem myndi gera umskurn á sveinbörnum refsiverða. Margir gáfu álit á frumvarpinu og skoðanir voru sterkar, annað hvort með eða á móti. En er mögulegt að setja lög um umskurn sveinbarna á Íslandi sem fylgjendur og andstæðingar umskurnar gætu sætt sig við?Í þessari ritgerð ætla ég að kanna hvað umskurn karlmanna er og hvers vegna umskurður er svona mikilvægur í Gyðingdómi fortíðar og nútímans. Ég beini sérstaklega sjónum að tveimur textabrotum í Mósebókunum sem eru undirstaða umskurnarsiðarins í Gyðingdómi. Fleiri textar úr Gamla testamentinu verða þó dregnir inn í umræðuna, enda er ritgerðin skrifuð á sviði gamlatestamentisfræða.