is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31838

Titill: 
  • Breytingaferli Íslandspósts: innleiðing rafmagnsþríhjóla
  • Titill er á ensku Change management at Íslandspóstur: electric scooters in post delivery
Námsstig: 
  • Meistara
Útdráttur: 
  • Ritgerðin fjallar um breytingastjórnun hjá Íslandspósti, nánar tiltekið því ferli sem snýr að innleiðingu rafmagnsþríhjóla í póstburði og fækkun útburðardaga á höfuðborgarsvæðinu. Með átta skref breytingastjórnunar að leiðarljósi geta stjórnendur forðast algeng mistök og innleitt breytingar á árangursríkan máta. Íslandspóstur er þar engin undantekning, fyrirtækið hefur staðið frammi fyrir miklum breytingum í rekstrarumhverfi sínu og þar af leiðandi starfsemi sinni undanfarin ár. Rannsóknarspurning þessa verkefnis er eftirfarandi Hvað getur Íslandspóstur lært af innleiðingu rafmagnsþríhjóla, sérstaklega hvað hefur farið vel og hvað hefði betur mátt fara? Rannsóknin er tilviksrannsókn og nýtir eigindleg rannsóknargögn þar sem viðtöl við bréfbera og yfirmann breytingaferilsins eru í aðalhlutverki og að auki eru fyrirliggjandi megindleg gögn nýtt til stuðnings. Markmið rannsóknarinnar er að skapa leiðarvísi stjórnendum Íslandspóst til stuðnings í yfirvofandi breytingum. Það er að skapa ramma með dæmum um það sem vel hefur farið sem og því sem betur hefði mátt fara sem stjórnendur geta litið til. Nýlega voru innleidd rafmagnsþríhjól sem auka afköst bréfbera til muna sem skiptir miklu máli vegna samdráttar í bréfpóstsmagni undanfarin ár. Að auki var bréfaflokkum breytt og þar með skipulagi útburðar. Niðurstaða rannsóknarinnar var að margt hefur vel farið en ýmisleg vandamál hefði verið hægt að koma í veg fyrir með fræðum breytingastjórnunar að leiðarljósi. Bréfberar upplifðu upplýsingaleysi í upphafi breytingaferilsins og skapaði það hræðslu, bæði við hjólin sjálf sem og við uppsagnir. Ánægjumælingar hafa aftur á móti gefið til kynna jákvæða þróun undanfarin ár og er notkun hjólanna að þróast í rétta átt til að verða hluti af vinnustaðamenningu bréfbera.

Samþykkt: 
  • 14.9.2018
URI: 
  • http://hdl.handle.net/1946/31838


Skrár
Skráarnafn Stærð AðgangurLýsingSkráartegund 
Breytingaferli Íslandspósts. Innleiðing rafmagnsþríhjóla.pdf914.56 kBLokaður til...27.10.2023HeildartextiPDF
41827798_635071830227731_4097946717951885312_n.jpg65.01 kBLokaðurYfirlýsingJPG