Árangursstjórnun í leikskólanum Sjáland og mat á þroskastigum árangursstjórnunarþátta

Abstract

Árangursstjórnun er mikilvægur þáttur í því að auka skilvirkni skipulagsheilda til þess að þær nái að sinna því hlutverki sem þeim er ætlað. Þetta er flókið og áhugavert ferli sem á víðtækt fræðasvið sér að baki.Markmið þessarar rannsóknar er að komast að því hversu langt leikskólinn Sjáland er kominn í því að nota árangursstjórnun við að framkvæma sína eigin stefnu. Til að leggja mat á það er líkani Verweire og Berghe um samþætta árangursstjórnun beitt. Með því eru þættir árangursstjórnunar í starfsemi Sjálands greindir út frá þroskastigum. Þroskastigin segja til um hve langt á leið skólinn er kominn í því að útfæra þætti árangursstjórnunar í starfsemi sinni. Niðurstaðan gefur skýrari mynd af því hvað er mest aðkallandi að gera til að auka skilvirkni árangursstjórnunar í skólanum og komast á næsta þroksastig.