Húsnæðismarkaður á Íslandi: Kaupa eða leigja?

Abstract

Eignarstefna hefur undanfarna áratugi einkennt húsnæðismarkaðinn á Íslandi. Í þessu verkefni var stuðst við bæði tölfræðileg gögn og heimildir sem varða húsnæðismarkaðinn á Íslandi. Markmiðið var að skoða leigumarkaðinn og reyna að komast að niðurstöðu um hvort sé hagkvæmara að kaupa eða leigja húsnæði á Íslandi. Við frekari skoðun á því hvort hagkvæmara sé að kaupa eða leigja húsnæði voru eftirfarandi þættir skoðaðir. Í fyrsta kaflanum var skoðað hvort fjárfesting húsnæðis sé ávallt skynsamlegri kosturinn. Í öðrum kafla var fjallað um húsnæðismarkaðinn og þróun hans. Fjallað var um húsnæðislíkan DiPasquale og Wheaton til að útskýra áhrif framboðs og eftirspurnar á húsnæðismarkað. Í þriðja kafla var fjallað um kosti og galla á báðum búsetuformum með tilliti til helstu kostnaðarliða. Í fjórða kafla var leigumarkaðurinn í Svíþjóð og Danmörku skoðaður og þeir bornir saman við leigumarkaðinn á Íslandi. Ekki voru neinar marktækar niðurstöður um hvort búsetuformið sé betra. Niðurstöður benda þó til þess að til lengri tíma litið sé það hagkvæmara að kaupa húsnæði á Íslandi heldur en að leigja.