Brúin - aðsetur listamanna

Abstract

Helstu kennileiti Hveragerðis eru Varmá, lystigarðurinn og sundlaugin að Laugarskarði. Varmá skilur að lystigarðinn og svæðið við sundlaugina. Byggingin tengir þessi svæði saman eftir göngubrú yfir Varmá. Hægt er að ganga frá sundlaugarsvæðinu, niður hlíðina niður að ánni. „Brúin“ gengur inn í hlíðina en er samsíða árbakkanum þegar komið er að frá lystigarðinum. Þak byggingarinnar er gönguleið með setbekkjum og gróðri þar sem íbúar og gestir Hveragerðisbæjar geta notið útivistar. Útskot á gönguleiðinni opnar á fallegt útsýni að Reykjafossi. Af þakinu er gengið niður inn í bygginguna.Brúin er aðsetur fyrir tölvulistamenn. Lögð er áhersla á þægindi, vistarverur eru rúmar og bjartar. Opið vinnurými í miðju húsinu, eldhús og matsalur ýta undir samveru og samvinnu listamannanna. Fundarherbergi og sýningar- og fyrirlestra salur ásamt opnu rými til að taka á móti gestum.