is Íslenska en English

Lokaverkefni (Meistara)

Háskóli Íslands > Verkfræði- og náttúruvísindasvið > Meistaraprófsritgerðir - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31869

Titill: 
  • Búsvæðaval heiðlóu (Pluvialis apricaria) á fartíma
Námsstig: 
  • Meistara
Útdráttur: 
  • Meira en helmingur evrópska heiðlóustofnsins verpir á Íslandi en þrátt fyrir það eru rannsóknir á tegundinni hér á landi af skornum skammti. Vitað er að heiðlóa (hér eftir nefnd lóa) kýs mólendi fyrir varp en minna er vitað um búsvæðaval yfir fartímann. Meginmarkmið þessa verkefnis var að meta búsvæðaval lóa á fartíma með því að skoða algengi og viðveru lóa í mismunandi gerðum af ræktuðu landi. Auk þess var markmiðið að skoða til hvaða atferlis lóur nýta mismunandi búsvæði á fartíma og kanna hvort munur væri á inntöku á fæðu milli ólíkra búsvæða og árstíða. Rannsóknin var framkvæmd að vori og að hausti, 2015 og 2016 á Suðurlandi þar sem fylgst var með lóum á ræktuðu landi og á Suðurnesjum þar sem fylgst var með lóum á ræktuðu landi og í fjörum. Niðurstöður sýna að lóur nýta landbúnaðarland mikið til fæðuöflunar yfir fartímann auk fjöru þar sem hún er aðgengileg. Hlutföll lóa í ólíkum landgerðum voru frábrugðin hlutfallslegu algengi landgerða sem bendir til að lóur velji mismunandi gerðir af ræktuðu landi. Viðvera lóa var mismunandi milli árstíða og landgerða en lóur voru líklegri til að finnast innan rannsóknarsvæða á vorin og innan túna sem eru nýlega ræktuð. Algengasta atferli heiðlóa yfir fartímann var fæðuöflun og hvíld, þar sem hlutfall fæðuöflunar var meira að vori en að hausti. Fæðuinntaka í fjörum var hærri en inntaka í túnum og val á ræktuðu landi er best útskýrt með inntöku á fæðu. Fjörur eru mikilvæg búsvæði að hausti sem bendir til þess að ræktað land sé mikilvægt að vori. Þessar upplýsingar auka þekkingu á búsvæðavali og vistfræði lóu á fartíma sem hægt er að nýta til að styrkja vernd á íslenska heiðlóustofninum.

  • Útdráttur er á ensku

    More than half of the European Golden plover population breeds in Iceland, yet research on the species are scarce in Iceland. Golden plovers (hereafter plovers) use moorland for breeding but less is known about habitat preference during migration. Main object of this study was to assess habitat selection of plovers during migration by looking at occupancy and how commonly plovers were found in different types of agricultural land. The objective is also to see how plovers use different types of habitats by looking at behavior and see if intake rates are different between habitats and seasons. The study was conducted during spring and autumn 2015 and 2016 in South Iceland where plovers were observed in agricultural land and Southwest Iceland where plovers were observed in agricultural land and coastal habitats. Results show that plover use agricultural land much for feeding during migration and coastal habitat where they have access to it. Plovers did not use agricultural land in proportion to land availability which indicates that they select between land types. The presence of plovers differed among seasons and types of agricultural land but plovers where more likely to be found within study sites during spring and within highly cultivated land. The most common behavior of plovers during migration was feeding and roosting, where feeding was more commonly observed during spring. Intake rates were higher in coastal habitats than within agricultural land and selection of land types is best explained with intake rates. Coastal habitat is more important in autumn which indicates that agricultural land is more important during spring. This information enhances our knowledge about habitat selection and the ecology of plovers during migration and can be used to further enhance the protection of the Icelandic Golden plover population.

Samþykkt: 
  • 4.10.2018
URI: 
  • http://hdl.handle.net/1946/31869


Skrár
Skráarnafn Stærð AðgangurLýsingSkráartegund 
yfirlýsing-skemman.pdf263.07 kBLokaðurYfirlýsingPDF
búsvæðavalheiðlóu_ES.pdf1.73 MBOpinnHeildartextiPDFSkoða/Opna