is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/31953

Titill: 
  • Staða textílmenntar á unglingastigi : viðtöl við skólastjóra og textílkennara
  • Titill er á ensku The state of textile education for teenagers : interviews with principals and textile teachers
Námsstig: 
  • Meistara
Útdráttur: 
  • Markmið þessarar rannsóknar var að bregða ljósi á stöðu textílmenntar í íslenskum grunnskólum, einkum á unglingastigi og kanna hvort greinin nýtur skilnings og velvildar innan skólasamfélagsins. Auk þess var athugað hversu mörgum kennslustundum greininni er úthlutað á unglingastigi (8.-10. bekkur) grunnskólans. Enn fremur var skoðað hvernig hægt er að styrkja greinina með frekari útgáfu á náms- og kennsluefni í textílmennt og með markvissari valnámskeiðum á unglingastigi grunnskólans.
    Eigindlegum rannsóknaraðferðum var beitt við gerð rannsóknarinnar. Tekin voru viðtöl við bæði skólastjóra og textílkennara í fimm grunnskólum á höfuðborgarsvæðinu. Allir textílkennararnir voru með fullgild kennsluréttindi og sérmenntun á sviði textílmenntar auk áralangrar kennslureynslu.
    Helstu niðurstöður rannsóknarinnar benda til þess að flestir skólar nái ekki að uppfylla það tímamagn sem viðmiðunarstundaskrá Aðalnámskrár grunnskóla leggur til að list- og verkgreinar eigi að fá úthlutað fyrir 8.-10. bekk. Bæði skólastjórar og kennarar voru sammála um mikilvægi list- og verkgreina. Niðurstöður rannsóknarinnar benda því til þess að bæta þurfi stöðu textílmenntar á unglingastigi með hliðsjón af ákvæðum Aðalnámskrár grunnskóla. Í unglingadeild er boðið upp á textílmennt sem valfag en misjafnt er hvort hún er kennd sem skyldunámsgrein eins og sagt er til um í Aðalnámskrá grunnskóla. Textílkennarar töldu verulegan skort vera á nýju námsefni fyrir textílgreinina sem lið í því að þróa og bæta stöðu hennar. Í ljós kom að í þeim skólum þar sem viðhorf skólastjóra til greinarinnar er jákvætt fær textílmennt úthlutað því tímamagni sem henni ber samkvæmt Aðalnámskrá grunnskóla, kennsluaðstaða er góð og skólanámskrá skólanna er uppfærð reglulega.

  • Útdráttur er á ensku

    The objective of this study was to elucidate the status of textile education in Icelandic compulsory schools, in particular at the adolescent level (grade 8-10), and whether the subject is met with understanding and goodwill within the school community. In addition, the number of hours allocated to textiles along with other arts and crafts subjects at the adolescent level were studied. Furthermore, the study examined how the subject could be strengthened with new educational material, and whether the electives could be made more purposeful at the adolescent level.
    Qualitative research methods were used in the study. Principals and textile teachers were interviewed in five compulsory schools in the Greater Reykjavík Capital area. All textile teachers interviewed had valid teaching certificates and had specialized in textile education, as well as having years of teaching experience.
    The main results of the study indicate that, in most schools the number of periods for arts and crafts outlined by the reference timetable of the National Curriculum, is not met in grades 8-10. Principals and textile teachers agreed on the importance of arts and crafts education. The results of the study indicate that there is a need to improve the status of textile education at the adolescent level, in order to meet the standards of the National Curriculum. Textile education is offered as an elective, at the adolescent level, however, it varies if it is taught as a required subject, as stated in the National Curriculum. Textile teachers feel that the significant lack of new education materials hinders the further development and improvement of the subject’s status. In conclusion, the study indicates the subject benefits significantly in those schools where the principal has a positive attitude towards textiles; the textile subject receives the number of periods for arts and crafts suggested by the timetable in the National Curriculum, the teaching facilities are good, and the school curriculum is up to date.

Samþykkt: 
  • 2.11.2018
URI: 
  • http://hdl.handle.net/1946/31953


Skrár
Skráarnafn Stærð AðgangurLýsingSkráartegund 
Yfirlysing_Sif_Olafsdottir_3112745629.pdf459.77 kBLokaðurYfirlýsingPDF
SifOlafsdottirMEd.pdf1.63 MBLokaður til...31.12.2020HeildartextiPDF