Dreifing er hafin: Listasamlagið post-dreifing í ljósi anarkískra skipulagskenninga

Abstract

Í þessari ritgerð er greint frá listasamlaginu post-dreifingu sem stofnað var í desember 2017 ásamt því að máta hvernig hún passar við anarkískar skipulagskenningar. Kenning Colin Ward um ósjálfrátt skipulag er notuð sem meginkenningarrammi ritgerðarinnar ásamt því að byggja á hugmyndum Pyotr Kropotkin um samhjálp. Rannsóknarspurningin er: Samræmist starfsemi post-dreifingar kenningu Colin Ward um ósjálfrátt skipulag? Að auki er litið til þess hvað telst til anarkískra skipulagsheilda samkvæmt Ward. Ásamt þessu er einnig litið til þess hvernig anarkismi birtist í pönkstefnunni og fyrirbærum tengdum henni og hvernig þessi menningarstraumur barst til Íslands. Með þessum straumi varð til fyrsta listasamlagið sem er skoðað: Smekkleysa. Listasamlögin Smekkleysa, Tilraunaeldhúsið og S.L.Á.T.U.R. eru greind og borin saman við post-dreifingu innan víðari kenningaramma anarkisma.