Evrópusambandið sem áhrifavaldur í alþjóðasamfélaginu. Breytingar á utanríkismálum ESB eftir Lissabon-sáttmálann

Abstract

Ritgerð þessi er lokaritgerð til BA-gráðu við stjórnmálafræðideild Háskóla Íslands. Þetta er heimildaritgerð og markmið hennar er að svara spurningunni um hvernig gildistaka Lissabon-sáttmálans hafði áhrif á utanríkis- og varnarmálastefnu Evrópusambandsins og hvort ESB sé virkari gerandi í alþjóðasamfélaginu í kjölfar sáttmálans. Fyrsti kafli ritgerðarinnar fjallar um kenningaramma ritgerðarinnar, frjálslyndisstefnuna og frjálslyndu milliríkjastefnuna. Annar kafli fjallar um aðdraganda Lissabon-sáttmálans. Þriðji kafli greinir frá þeim breytingum sem urðu á utanríkis- og varnarmálastefnu ESB. Fjórði kafli mun fjalla um nokkur dæmi um aðgerðir ESB í utanríkis- og varnarmálum eftir Lissabonsáttmálann. Að lokum verður greint frá þeim niðurstöðum sem höfundur komst að og þær settar í samhengi við fræðilega umfjöllun í upphafi ritgerðarinnar.