Niocare fæðubótarefni: Viðskiptaáætlun

Abstract

Í þessari ritgerð er fæðubótarefnamarkaðurinn rannsakaður og í kjölfarið eru lögð drög að viðskiptaáætlun fyrir fyrirtækið Niocare ehf. sem er nýtt fyrirtæki á fæðubótarefnamarkaðnum. Fæðubótarefnamarkaðurinn er í mjög örum vexti og spár sýna að markaðurinn mun vaxa hratt á komandi árum. Samfélagsmiðlar og aukin netnotkun hafa gjörbreytt markaðsaðstæðum en að sama skapi hafa þessar breytingar gefið nýjum og smáum fyrirtækjum aukin tækifæri til þess að koma vörum sínum á framfæri. Í ritgerðinni er rannsakað hvort að markaður sé fyrir Niocare fæðubótarefnin á Íslandi. Hugmyndin að þessari ritgerð er einnig sú að hún geti nýst sem grunnur að kynningu fyrir fjárfesta. Rannsóknarvinnan byggist á því að finna og greina fyrirliggjandi upplýsingar um markaðinn ásamt því að gera vettvangsrannsókn í þeim tilgangi að skoða samkeppnisaðila og gera verðsamanburð. Notast var við fimm þátta líkan Porters til þess að greina samkeppnisumhverfi fyrirtækisins. PEST greining var notuð til þess að greina ytra umhverfi og í kjölfarið var gerð SVÓT greining.