Hof- og safnaðarheimili Ásatrúarfélagsins, Menntasveig 15

Abstract

Í þessu lokaverkefni er tekin fyrir tillaga Teiknistofunnar Tröð sem send var í hönnunarsamkeppni á vegum Ásatrúarfélagsins árið 2007 vegna nýs húsnæðis fyrir félagið. Um er að ræða tillögu að hofi- og safnaðarheimili undir starfsemi félagsins í Öskjuhlíð.Tillagan gerir ráð fyrir að byggingin verði staðsteypt tveggja hæða safnaðarheimili með áföstu hringlaga hofi úr límtré. Verkefnið byggðist á því að klára að hanna og teikna bygginguna í samræmi við þær kröfur sem um hana gilda skv. lögum. Þá var þess einnig gætt að byggingin þjóni verkkaupa vel til framtíðar en um leið að halda tryggð við upphaflega hönnun arkitektanna eins og frekast var unnt.Skýrsla verkefnis greinir ítarlega frá þeim byggingafræðilegu atriðum sem fara þarf í og leysa þegar byggingar sem þessar eru hannaðar, þ.e.a.s. frum- og forhönnuarfasa og þá aðaluppdrættir og verkteikningasett í kjölfar greiningarvinnunnar. Þá voru einnig unnin útboðsgögn og kostnaðaráætlun vegna verksins.