Stravinskíj og ballettarnir

Abstract

Ígor Stravinskíj er eitt af höfuðtónskáldum 20. aldarinnar. Hann skrifaði allskyns verk allt frá óperum til hljómsveitarverka en það sem einkennir feril hans hvað mest eru ballettarnir hans. Lét hann frá sér alls tólf ballettverk og voru enn fleiri verk eftir hann útfærð fyrir ballettformið. Hann leiddist út á braut tónlistarinnar fyrir tilstilli Vladímírs Rímskíj-Korsakov og er hægt að segja að heimurinn eigi honum mikið að þakka. Síðar á lífsleiðinni kynntist hann þeim Sergej Djagílev og George Balanchine sem urðu hans helstu áhrifavaldar. Hvað ef Stravinskíj hefði ekki komist í kynni við þá tvo? Hefði hann skrifað svo marga balletta ef það væri ekki raunin? Stravinskíj var einstaklega náinn þeim Balanchine og Djagílev og er óhætt að segja að án þeirra hefði hann líklegast aldrei náð eins langt og raun ber vitni í tónlistarheiminum.