Viðhorf íslenskra ferðamanna til stórmóta í knattspyrnu: Hvaða áhrif hefur nostalgía á ferðalagið okkar ?

Abstract

Íslenska karlalandsliðið í knattspyrnu hefur komist tvisvar á síðustu fjórum árum í úrslitakeppni á stórmóti, nánar tiltekið á Evrópumótið 2016 og Heimsmeistaramótið 2018. Í þessari ritgerð er íþróttaferðamennska skoðuð út frá íslenskum ferðamönnum sem fylgjast með liði sínu á þessum stórmótum.Íþróttaferðamennska fer ört vaxandi en þrátt fyrir að vera ekki nýtt fyrirbæri er skortur á rannsóknum þeim tengdum. Möguleiki á að vekja athygli á borg eða landsvæði eru miklir. Nostalgíu ferðamennska er eitt af sviðum íþróttaferðamennsku (Gibson, 1998). Rannsóknir sem tengjast ferðamennsku og nostalgíu hafa yfirleitt tengst stöðum eða atburðum með sögulega skírskotun en í þessari rannsókn eru viðhorf ferðamanna til stórmóta í knattspyrnu skoðað með nostalgíu til hliðsjónar. Tekin voru viðtöl við íslenska ferðamenn sem áttu það allir sameiginlegt að hafa fylgt liðinu á bæði stórmótin. Fimm þemu sem tengjast nostalgíu eru skilgreind. Til stuðnings er rannsókn Fairley (2003) notuð þar sem kemur fram að nostalgía hefur áhrif á ákvörðunartöku og upplifun fólks á ferðalögum.