Fínstilling á aðstæðum til að framkalla frumuklóna í hreyfitaugafrumum í Drosophila melanogaster

Abstract

Rannsóknarhópur í taugalíffræði við Háskóla Íslands rannsakar hlutverk gena í hreyfitaugafrumum í Drosophila melanogaster. Markmið þessara rannsóknarverkefnis var að meta hvenær í fósturþroskun væri hentugast að virkja flippasa til að fá fram frumuklóna í hreyfitaugafrumum án mikilla áhrifa á vöðva og aðra vefi. Þetta var gert með því að nota FLP-out stofn og tvo MARCM stofna sem fóru í hitalost á mismunandi tímum fósturþroskunnar. Við hitalostið mynduðust frumuklónar með flúrljómandi merki í lirfum sem var hægt að taka myndir af undir flúrljómandi víðsjá. Niðurstöðurnar sem fengust gáfu vísbendingar um umfang frumuklónanna og stærð þeirra, en ekki fengust allar þær niðurstöður sem var ætlast til vegna mikilla affalla á fóstrum. Því hefur ekki tekist að svara rannsóknarspurningunum að fullu og þær niðurstöður sem fengust gefa aðeins vísbendingar um umfang frumuklónanna á þeim tímabilum þroskunnar sem tókst að prófa.