is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/32429

Titill: 
  • Sýn kennara á miðstigi og skólastjórnenda á því hvenær og hvernig sé æskilegt að byrja vímuefnaforvarnir
  • Titill er á ensku The view of teachers in middle school and principals on when and how to start drug preventions
Námsstig: 
  • Meistara
Útdráttur: 
  • Fyrsta stigs forvarnir hafa það markmið að nota ákveðnar aðgerðir til að koma í veg fyrir vanda eins og vímuefnaneyslu í stað þess að grípa inn í þegar vandi er þegar orðinn til staðar. Í þessari rannsókn er áhersla á að kanna sýn kennara á miðstigi og stjórnenda grunnskóla á fyrsta stigs forvörnum, hvenær skuli hefja þær í grunnskólum og hvernig best sé að standa að slíkri vinnu. Rannsóknin er eigindleg og voru tekin hálfopin djúpviðtöl við einn kennara og einn skólastjórnanda úr þremur grunnskólum. Viðtölin voru afrituð, dulkóðuð og þemagreind. Þemun voru flokkuð innan tveggja efnisflokka; Það sem er til staðar innan veggja skólans og Það sem er ábótavant í vímuefnaforvörnum. Meginniðurstöður rannsóknarinnar eru í fyrsta lagi að stefna stjórnvalda í forvörnum þurfi að vera skýrari og stuðningur sveitarfélaga sé mikilvægur fyrir skólana. Í öðru lagi að forvarnaáætlanir skóla vanti, þannig það vanti samfellu í forvarnafræðslu. Í þriðja lagi skorti sérþekkingu og fræðslu til starfsmanna um forvarnir. Í fjórða lagi sé skortur á kennsluefni og fyrirbyggjandi forvarnainngripum auk þess vanti fleiri jákvæðar fyrirmyndir fyrir börn og ungmenni. Í fimmta lagi að hefja skuli óbeinar vímuefnaforvarnir strax í upphafi grunnskólans og styrkja verndandi þætti. Formlegar forvarnir sé síðan gott að hefja á miðstigi og kynna mismunandi tegundir þeirra í samræmi við aldur og þroska barnanna. Nemendaverndarráð og fleiri stuðningsúrræði innan skólana séu auk þess mikilvæg úrræði til þess að tryggja snemmbær inngrip og að gripið sé inn í áður en vandi skapast hjá börnunum. Mikilvægt er fyrir samfélagið að fyrsta stigs vímuefnaforvörnum sé vel sinnt. Stjórnvöld þurfa að marka skýra stefnu sem ríkir í landinu sem myndi skila sér til samfélagsins, fyrirtækja, skóla, fjölskyldna og nemenda. Slík stefna gefur ákveðin skilaboð hvernig draga megi úr ýmsum skaða og kostnaði. Hún gefur einnig frekari hugmyndir um hvernig kennsla ætti að fara fram og hvernig kennsluefni ætti að vera.
    Lykilhugtök eru vímuefnaforvarnir, miðstig, nemendur, beinar forvarnir, óbeinar forvarnir.

  • Útdráttur er á ensku

    First level preventions have the goal to use special actions to prevent problem, such as drug abuse instead of intervening when the problem has already occurred. This research emphasized middle school teachers’ and school managers’ attitude to first level preventions, when to start them in elementary schools and the best way to do so. The research is qualitative and semi-structured in-depth interviews were taken to one teacher and one school manager from three elementary schools. The interviews were copied, encrypted and looked for themes. The themes were classified within two categories; What is present and; What is inadequate. The main results show first of all that the drug prevention policy of the government needs to be definite and support from the community is important for the schools. Secondly is lack of prevention plan in the schools and because of that it is lack of continuity in prevention education. Thirdly is lack of expertise and education for the employees about preventions. Fourthly is lack on teaching materials and preventative prevention interventions, also it is lack of positive role models for children and youths. Fifthly to start indirect drug preventions right at the beginning of the elementary school and strengthen the protective factors. Direct prevention is good to start in middle school and introduce different kinds according to the age and the development of the children. Student protection council and more supportive resources in order to ensure early interventions and to intervene before a problem begins with the children. It is important for the community that first level drug prevention is well attend. The government needs to mark a definite policy in the country that would contribute to the society, businesses, schools, families and students. Such a policy gives a certain message of how to reduce various damage and cost. It also provides further ideas on how teaching should be conducted and how teaching materials should be.
    Key concepts are drug preventions, middle school, students, direct preventions and indirect preventions.

Samþykkt: 
  • 26.2.2019
URI: 
  • http://hdl.handle.net/1946/32429


Skrár
Skráarnafn Stærð AðgangurLýsingSkráartegund 
Lokaverkefni.ErnaRós.pdf524.11 kBOpinnHeildartextiPDFSkoða/Opna
ErnaRós.Skemman.pdf128.46 kBLokaðurYfirlýsingPDF