en English is Íslenska

Thesis University of Akureyri > Viðskipta- og raunvísindasvið > B.S. verkefni >

Please use this identifier to cite or link to this item: http://hdl.handle.net/1946/3249

Title: 
  • Title is in Icelandic Rekstur háskóla á Íslandi og áhrifaþættir á val nemenda til námssetu
Abstract: 
  • Abstract is in Icelandic

    Rekstur háskóla á Íslandi vekur oft upp spurningar. Fólk veltir þá fyrir sér hvers vegna það kostar meira að fara í einkarekinn skóla en ríkisrekinn þegar báðir skólarnir bjóða upp á sama námið. Í framhaldi af því vaknar sú spurning um hvers vegna einkareknir háskólar fá sama fjármagn frá ríkinu til kennslu eins og þeir ríkisreknu. Tilgangurinn með því að skrifa um rekstur háskóla á Íslandi var að finna svör við þessum vangaveltum. Ætlunin var þá að skoða ársskýrslur skólanna og sjá þannig hvaðan fé var að koma inn til háskólanna og einnig að skoða mismunandi lög og reglugerðir háskóla til að átta sig á ólíku rekstrarumhverfi. Niðurstöður leiddu í ljós að þegar horft var til fjármagns sem kom inn til skólanna þá er það vissulega rétt að skólarnir fá allir sama fjármagnið til kennslu en munur er þó á því að ríkisreknu skólarnir fá meira fjármagn til sín frá ríkinu, eins og fyrir húsnæði. Einkareknu skólarnir þurfa sjálfir að fjármagna húsnæði sín.
    Jafnframt var lögð könnun fyrir nemendur til að kanna hvað það var sem réði vali þeirra á háskólanámi og var þá tilgangurinn að sjá hvort orðspor og ímynd skólans hafði áhrif á valið, aðbúnaður og annað slíkt en einnig vildu höfundar komast að því hvert viðhorf þeirra var til skólagjalda og hvort nemendur í ríkisreknu skólunum hefðu fremur valið annan skóla ef skólagjöldin væru þau sömu í öllum háskólum landsins. Niðurstöður leiddu í ljós að nemendur voru almennt mjög ánægðir með skólann sem þeir völdu sér og hafði þá orðspor og ímynd fremur áhrif á val þeirra heldur en aðbúnaður og annað slíkt. Þeir nemendur sem voru í ríkisreknu skólunum myndu að stærstum hluta ekki skipta um skóla þó svo að skólagjöldin væru þau sömu innan allra háskólanna.
    Lykilorð: Háskólar, nemendur, viðhorf, fjármagn, útgjöld

Accepted: 
  • Jul 22, 2009
URI: 
  • URI is in Icelandic http://hdl.handle.net/1946/3249


Files in This Item:
Filename Size VisibilityDescriptionFormat 
Efnisyfirlit - Skemman.pdf68.81 kBOpenRekstur háskóla á Íslandi og áhrifaþættir á val nemenda til námssetu - EfnisyfirlitPDFView/Open
Heimildaskrá - Skemman.pdf114.69 kBOpenRekstur háskóla á Íslandi og áhrifaþættir á val nemenda til námssetu - HeimildaskráPDFView/Open
Viðauki.pdf2.35 MBOpenRekstur háskóla á Íslandi og áhrifaþættir á val nemenda til námssetu - ViðaukiPDFView/Open
Skemman_fixed ritgerðin.pdf1.18 MBOpenRekstur háskóla á Íslandi og áhrifaþættir á val nemenda til námssetu - HeildPDFView/Open