Á túninu heima: Reynslan af forkaupsrétti hins opinbera að jörðum

Abstract

Markmið þessarar ritgerðar er að varpa ljósi á þau sjónarmið sem lágu að baki þróun forkaupsréttarheimilda jarðalaga og hver reynslan af umfangsmiklum forkaupsréttarheimildum hins opinbera hafi verið.Í þessari ritgerð verður söguleg þróun forkaupsréttarákvæða jarðalaga rakin og sjónarmið sem lágu að baki hinna miklu afskipta hins opinbera skoðuð. Fjallað verður um beitingu forkaupsréttarheimilda jarðalaga með hliðsjón af dómaframkvæmd Hæstaréttar Íslands og reynslu af slíkum heimildum hins opinbera. Loks verður litið til framtíðar og hvort heimilt sé að taka aftur upp víðtækari forkaupsréttarheimildir hins opinbera en finnast í gildandi jarðalögum og þá hvaða takmörkun slíkar heimildir væru háðar með hliðsjón af eignarréttarvernd stjórnarskrárinnar, alþjóðlegum skuldbindingum Íslands samkvæmt mannréttindasáttmála Evrópu og EES-samningnum.