Heimskt er heimaalið barn. Hefur Ísland eftirlátið Evrópusambandinu að skipuleggja menntakerfi sitt?

Abstract

Með aukinni alþjóðavæðingu, tilkomu EES samningsins og því Evrópusamstarfi sem beinlínis er fólgið í þeim samningi en einnig öðru samstarfi milli Evrópuríkja, hefur menntakerfið á öllum stigum hér á landi tekið breytingum og samræming átt sér stað. Í þessari ritgerð er fjallað um valdheimildir Evrópusambandsins á sviðum sem eru á valdsviði aðildarríkja þess og leitast við að útskýra aðkomu ESB á sviði menntamála vegna þátttöku Íslands í Evrópusamstarfi í gegnum aðild að EES samningnum. Einnig hvort aðkoma ESB komist í nálægð við að vera til lagasamræmingar. Þá verða skyldur EFTA ríkjanna til innleiðingar svokallaðra jaðarmála kannaðar og hvort eftirlitsstofnun EFTA hafi þar einhvers konar vald.