Gjaldfelling lánssamninga. Beiting gjaldfellingarheimilda við greiðsludrátt skuldara

Abstract

Í lánssamningum er algengt að aðilar ákveði fyrir fram til hvaða vanefndaúrræða lánveitandi geti gripið til, vanefni lántaki skuldbindingar sínar. Ákvæði þess efnis í lánssamningi eru gjarnan kölluð vanefndaákvæði. Vanefndaákvæði geta verið mismunandi en ein tegund þeirra, gjaldfellingarákvæði svokölluð, kveða á um réttindi lánveitanda til að gjaldfella eftirstöðvar láns við tilteknar vanefndir lántaka. Verða slík ákvæði til umfjöllunar í þessari ritgerð. Meginmarkmiðið með skrifunum er að taka til skoðunar hvort einhver skilyrði séu sett fyrir rétti lánveitanda til að grípa til gjaldfellingar í kjölfar greiðsludráttar skuldara, og ef svo er, í hverju slík skilyrði felast.