Eftirlit dómstóla með framkvæmdarvaldinu: Endurskoðun dómstóla á skipun í dómaraembætti

Abstract

Ritgerð þessi fjallar um eftirlit dómstóla með framkvæmdarvaldinu, þ.e. endurskoðunarvald dómstóla á stjórnvaldsákvörðunum. Vikið er að endurskoðun dómstóla á matskenndum ákvörðunum líkt og ráðningum í opinber embætti og þá sérstaklega við skipun í embætti dómara. Litið er til uppruna endurskoðunarvaldsins, þróunar þess og umfangs. Ásamt því er fjallað almennt um þær matskenndu stjórnvaldsákvarðanir sem ráðningar í opinber störf eru og það hvernig slíkt ferli fer fram, auk þeirra lagareglna sem um slíkar ákvarðanir gilda. Sérstaklega er vikið að skipun dómara og hvernig mat á hæfni þeirra fer fram við ráðningu í embætti. Tekið er mið af þremur Hæstaréttardómum um þetta álitaefni og litið til þess til hvers endurskoðunarvaldið tekur, þ.e.a.s. hvaða þættir stjórnvaldsákvarðana eru endurskoðaðir af dómstólum og hvaða þættir ákvarðana eru alfarið í höndum framkvæmdarvaldsins.