Myndabanki: Samræmd ímynd og ásýnd Suðurlands

Abstract

Ritgerð þessi byggir á verkefninu „Samræmd ímynd og ásýnd Suðurlands í myndum og texta“. Unnið var í samstarfi við Markaðsstofu Suðurlands sem fékk styrk í þetta verkefni frá Sóknaráætlun Suðurlands. Verkefnið fólst í því að útbúa flokkunarkerfi og umgjörð fyrir myndabanka sem ætlað er að skapa sameiginlega ásýnd fyrir landshlutann. Markmiðið með myndagagnagrunninum er að skapa vettvang fyrir ákveðna aðila sem hafa þar aðgang að fjölbreyttu myndefni og geta nýtt í sín verkefni. Gerð er grein fyrir verkefninu í heild og velt upp hugtökum sem því tengjast, svo sem hugtökum um ímynd, ímyndasköpun, mörkun (e. branding) og áhrif myndefnis í kynningarefni fyrir ferðamenn. Einnig er litið á lagalegu hliðina í tengslum við samningamál, persónuvernd og höfundarétt. Niðurstöður leiddu í ljós að myndmál á stóran þátt í ímyndasköpun og haldast ímyndir og markaðssetning í hendur. Það er hægt að stjórna áhrifum myndefnis í kynningarefni á bæði jákvæðan og neikvæðan hátt. Það er að mörgu að hyggja svo vel takist til við val á myndum í myndabanka fyrir markaðssetningu áfangastaða. Rétt er að taka fram að vinnan við myndabankann er enn í fullum gangi og einungis tekinn fyrir ákveðinn hluti af heildarverkefninu.