„If I am a star, the people made me a star. No studio, no person, but the people did.“ Lífsferill Marilyn Monroe og áhrif hennar á poppmenningu

Abstract

Í þessari 12 eininga bakkalársprófsritgerð er gert grein fyrir þeim áhrifum sem Marilyn Monroe hefur haft á poppmenningu. Ásamt því verður farið yfir lífsferil hennar og hvernig líf hennar hefur haft áhrif á hana.Fyrri hluti rannsókna byggir á lífsferli Marilyn Monroe og leggur grunn að því hvernig æska hennar mótaði fullorðinsárin. Í síðari hluta rannsóknar er farið yfir birtingamynd og áhrif Marilyn á poppmenningu í hinum ýmsu myndum. Farið verður yfir hvernig Marilyn hefur verið og enn er hlutgerð sem kyntákn og skoðun hennar á þeim titli. Einnig verður Marilyn sem söluvara skoðuð og hvaða rétt dánarbú hennar, The Estate of Marilyn Monroe, hefur og hvort dánarbúið geti stjórnað því.Marilyn hefur verið innblástur margra og í hana hefur verið vitnað ótal sinnum, meðal annars í listaverkum, tónlist og auglýsingum. Tæpri hálfri öld síðar er Marilyn vinsælli en hún var nokkurn tímann á meðan hún var á lífi og seljast vörur og varningur í tengslum við hana á við heitar lummur. Það eitt að vara sé merkt eða búin til í minningu Marilyn Monroe verður til þess að stærstu Marilyn aðdáendurna kaupa hana. Jafnvel eftir dauða sinn á Marilyn Monroe aðdáendur um víðan heim og fer fjöldi þeirra vaxandi með árunum.