is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/32795

Titill: 
  • Staða ungs fólks í Reykjavík sem þiggur fjárhagsaðstoð vegna námstyrks
Námsstig: 
  • Bakkalár
Útdráttur: 
  • Markmið ritgerðarinnar var að varpa ljósi á stöðu ungs fólks á aldrinum 18 til 24 ára sem þáðu fjárhagsaðstoð vegna námsstyrks frá Reykjavíkurborg á árunum 2012–2017. Í ritgerðinni var leitast við að kanna hvaða kröfur notendur þurftu að uppfylla til þess að eiga rétt á námsaðstoðinni sem og innsýn félagsráðgjafa og ráðgjafa á ákvörðunartöku og inntöku notendahópsins sem sækir um námsstyrkinn. Til þess að fanga heildarmynd notendahópsins var annars vegar unnið úr fyrirliggjandi gögnum frá Velferðarsviði Reykjavíkurborgar og hins vegar úr niðurstöðum rannsóknar á viðhorfum félagsráðgjafa og ráðgjafa. Lagður var spurningalisti um verklag og viðhorf vegna umsókna um námsaðstoð meðal félagsráðgjafa og ráðgjafa þjónustumiðstöðva Reykjavíkurborgar sem vinna náið með ungu fólki sem fá fjárhagsaðstoð.
    Helstu niðurstöður rannsóknarinnar gáfu til kynna að notendum fjárhagsaðstoðar hafi fækkað verulega á seinustu fimm árum, eða um rúmlega 70%. Það er því mikilvægt að öðlast skilning á þeim hópi ungra einstaklinga sem eru á námsaðstoðinni. Staða ungs fólks sem þiggur námsaðstoðina er einstaklega erfið þegar horft er á þau skilyrði sem þau þurfa að uppfylla til þess að njóta fjárhagsaðstoðar vegna náms og getur staða þeirra trúlega verið erfiðari en tíðkast hjá öðrum nemendum í framhaldsskóla innan samfélagsins.
    Niðurstöður félagsráðgjafa og ráðgjafa þjónustumiðstöðva Reykjavíkurborgar benda til þess að fyrirkomulag fjárhagsaðstoðar vegna námsstyrks sé árangursrík og að úrræðið sé gagnlegt fyrir notendur fjárhagsaðstoðar. Hins vegar voru þeir sammála því að ekki væri auðvelt fyrir notendur sem og almenningi að nálgast upplýsingar um fjárhagsaðstoðina og að mikil þörf væri á úrbótum námsaðstoðarinnar. Þá benda niðurstöður um svörun félagsráðgjafa og ráðgjafa um verklag og viðhorf ákvörðunartöku og inntöku notenda til þess að ákveðið misræmi sé á verklagi og þjónustu til notenda námaðstoðarinnar á milli þjónustumiðstöðva Reykjavíkurborgar.

Samþykkt: 
  • 8.5.2019
URI: 
  • http://hdl.handle.net/1946/32795


Skrár
Skráarnafn Stærð AðgangurLýsingSkráartegund 
aeg_BA-ritgerð 2019.pdf1.01 MBOpinnHeildartextiPDFSkoða/Opna
BA-ritgerð_yfirlýsing.pdf28.92 kBLokaðurYfirlýsingPDF