„Verið öll velkomin" Um birtingarmynd ójafnra valdatengsla kynja í íslensku tungumáli

Abstract

Í þessari ritgerð verður fjallað um birtingarmynd valdatengsla kynja í íslensku tungumáli út frá mannfræðilegu sjónarhorni. Sjónum verður beint að íslensku samhengi en stuðst verður við dæmi úr íslenskum veruleika á 20. og 21. öld til þess að draga fram orðræðu kvenna og kynsegin einstaklinga um aukna viðurkenningu í tungumálinu. Auk þess verður orðræða þeirra sem leggjast gegn breytingum á tungumálinu skoðuð í fræðilegu samhengi mannfræðinnar. Notaðar verða meðal annars kenningar mannfræðinga á borð við Sherry Ortner um tvíhliða flokkun kynja, Michelle Zimbalist Rosaldo um innra og ytra svið samfélagsins, Edwin Ardener um þaggaða hópa og Michele Foucault um orðræður. Fjallað verður um tungumálið sem félagslegt tæki auk þess sem hugmyndir um kyngervi, karlmennsku og kvenleika, feðraveldi og þjóðerni verða höfð til hliðsjónar.