Konur, vímuefnaröskun og tengsl við ofbeldi:andleg: félagsleg og líkamleg áhrif

Abstract

Markmið þessarar heimildaritgerðar er að skoða vímuefnaröskun kvenna og hvort tengsl við ofbeldi hafi áhrif á konur andlega, líkamlega og félagslega. Skoðaðar verða skilgreiningar út frá kenningalegu sjónarhorni og farið yfir skillgreiningu hugtaka, eins og vímuefni, fíkn og vímuefnaröskun. Einnig verður farið yfir skilgreiningu greiningarlíkananna DSM-5 og ICD-10 og velt upp hvar vandi kvenna með vímuefnaröskun liggur. Farið verður yfir andlegar, félagslegar og líffræðilegar skýringar á því hvað hefur áhrif á vímuefnaröskun kvenna. Úrræði fyrir konur verða skoðuð og þá kvennameðferðir sérstaklega. Hvaða meðferðarúrræði eru talin gagnast konum best og hver eftirfylgni meðferða er. Sú vinna sem félagsráðgjafi vinnur með konum er skoðuð út frá heildarsýn þar sem konur eru oftar en ekki með börn á sínu framfæri og því mikilvægt að eftirfylgni konu með vímuefnaröskun sé góð. Með ritgerð þessari er markmiðið að rýna inn í heim vímuefnaneyslu og varpa enn fremur ljósi lesenda á hver vandi kvenna með vímuefnaröskun er. Lykilorð: Vímuefnaröskun, ofbeldi, konur, meðferðarúrræði og félagsráðgjöf