,,Ég hefði aldrei viljað missa af þessari reynslu. Bara no way sko!“

Abstract

Einhverfa hefur fylgt mannkyninu frá örófi alda en á undanförnum áratugum hefur þekking á einhverfuröskunum aukist gríðarlega. Í samfélaginu má finna ótal hindranir sem einhverfir einstaklingar þurfa að takast á við og því er eðlilegt að foreldrar einhverfra barna hafi áhyggjur þegar grunur um einhverfu kviknar. Markmið rannsóknarinnar er að skoða upplifun mæðra barna á einhverfurófi á viðhorfi samfélagsins til einhverfu og hvort þær telji að viðhorfsbreytingar hafi átt sér stað á undanförnum tveimur áratugum. Notast var við eigindlegar rannsóknaraðferðir við gerð rannsóknarinnar og þótti lífssögurannsókn heppileg til þess að veita innsýn í reynslu mæðranna. Í rannsókninni er notast við eigindlega rannsóknaraðferðir en tilgangur rannsóknar er að varpa ljósi á upplifun mæðranna og því þótti lífssögurannsókn (e.life story) heppileg rannsóknaraðferð. Opin viðtöl voru tekin við fjórar mæður sem eiga einhverf börn á aldrinum 3-24 ára sem valdar voru með hentugleikaúrtaki. Niðurstöður rannsókar sýna að viðmælendur höfðu allar upplifað neikvæð viðhorf gangvart einhverfu í samfélaginu en voru þó sammála um að viðhorfsbreytingar hafa átt sér stað á undanförnum áratugum. Þær telja að með aukinni upplýsingu og fræðslu megi stuðla að jákvæðari viðhorfum og auknum skilning í garð einstaklinga á einhverfurófi í samfélaginu.