is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/32857

Titill: 
  • Að greinast með MS. Áhrif á aðstandendur og aðkoma félagsráðgjafa
Námsstig: 
  • Bakkalár
Útdráttur: 
  • Um það bil 2.3 milljónir manna í heiminum lifa með MS sjúkdóminn. MS er skammstöfun á fræðiheiti sjúkdómsins ,,Multiple Sclerosis” sem á íslensku kallast heila- og mænusigg. MS er langvinnur sjúkdómur sem veldur bólgum í miðtaugakerfinu og er talinn algengur taugasjúkdómur meðal ungs fólks. Að greinast með ólæknandi og erfiðan sjúkdóm getur haft mikil áhrif á líf viðkomandi og aðstandendur hans. Í þessari ritgerð er fjallað almennt um MS sjúkdóminn og áhrif hans, bæði á þann sem greinist og aðstandendur. Einnig er skoðað hvort það sé einhver tilgreindur hópur fólks sem hættir meira en öðrum til að fá MS sjúkdóminn. Almennt er talið að MS sjúkdómurinn herji helst á fullorðið fólk en þó eru dæmi þess að einhverjir upplifi fyrstu einkenni á barnsaldri.
    Farið verður yfir hlutverk og aðkomu félagsráðgjafa ásamt mögulegum úrræðum með hliðsjón af rannsóknum og fræðilegri nálgun. Viðbrögð einstaklinga sem fá greiningu á sjúkdómi sem þessum geta verið mismunandi en það getur reynst mikið áfall fyrir bæði þann sem greinist og aðra fjölskyldumeðlimi. Niðurstöður rannsókna sýna að þunglyndi sé algengt meðal MS greindra og aðstandenda þeirra og finna margir fyrir minnkandi sjálfstæði og félagslegum stuðningi. Félagsráðgjafar eru vel fallnir til að vinna með einstaklingum með MS og aðstandendum þeirra vegna menntunar sinnar en þeir búa yfir mikilli sérþekkingu og þjálfun þegar kemur að félagslegum og persónulegum vandamálum. Félagsráðgjafar veita stuðning, ráðgjöf og viðeigandi úrræði til allra aðila sem að málinu koma.

Samþykkt: 
  • 10.5.2019
URI: 
  • http://hdl.handle.net/1946/32857


Skrár
Skráarnafn Stærð AðgangurLýsingSkráartegund 
Að greinast með MS - Áhrif á aðstandendur og aðkoma félagsráðgjafa_Sólrún Sif Guðmundsdóttir.pdf476 kBLokaður til...09.05.2020HeildartextiPDF
Yfirlýsing.pdf317.73 kBLokaðurYfirlýsingPDF