Moses Hightower. Munur á söngtexta og ljóði og greining á söngtextum hljómsveitarinnar Moses Hightower

Abstract

Hljómsveitin Moses Hightower var stofnuð árið 2007 og spilar sálartónlist undir hnyttnum og skemmtilegum textum. Textarnir fjalla um ýmislegt, til dæmis samskipti kynjanna, náttúru og borgarlíf og eru þeir einnig uppfullir af íróníu og orðaleikjum. Textarnir hjá Moses Hightower eru einnig mjög tilfinningaríkir og ljóðrænir á köflum. Ljóð og músík voru eitt sinn samofin form í lýríkinni sem síðar skiptust í tvær fylkingar. Þau eiga þó ennþá sameiginlega snertifleti. Ljóð og söngtexti eru því tvö lík form sem eiga sér sameiginlega formóður í lýríkinni. Söngtextar eru samdir fyrir eyrað á meðan ljóðið er fyrir augað. En hvenær verður söngtexti að ljóði eða ljóð að söngtexta? Er hægt að skoða söngtexta sem ljóð og greina þá þannig? Og hvaða hlutverk spilar músíkin í þessu samhengi?Í þessari ritgerð verður reynt að svara þessum spurningum með því að skoða sögu lýríkur og greina söngtexta við lög hljómsveitarinnar Moses Hightower. Einnig verður írónían gegnumgangandi rauður þráður í gegnum greininguna þar sem textarnir geta verið mjög írónískir.