Rafbílavæðing innan seilingar: Þjóðhagslegur ábati af rafvæðingu bílaflotans

Abstract

Á undanförnum árum hefur mikil umræða skapast um rafbílavæðingu á Íslandi. Loftslagsmál eru nú með stærstu viðfangsefnum margra þjóða. Tækifæri til samdráttar í losun gróðurhúsalofttegunda liggur að einhverju leyti í rafvæðingu samgangna. Rafbílavæðing á Íslandi hefur að litlu leyti verið skoðuð í efnahagslegu samhengi. Markmiðþessarar ritgerðar er að meta þjóðhagslega hagkvæmni rafbílavæðingar, með sérstaka áherslu á þá innviði sem heyra til rafbíla. Bornir eru saman helstu kostnaðarliðir sem fylgja rekstri bifreiða, þar með talið innkaupsverð. Fyrri hluti ritgerðarinnar fjallar um þjóðhagslega hagkvæmni rafbílavæðingar og efnahagslegan hvata neytenda að skipta útbensínbíl fyrir rafbíl. Seinni hlutinn fjallar um raforkukerfið á Íslandi og mögulegar afleiðingar sem rafbílavæðing getur haft í för með sér og þar sem þjóðhagsleg hagkvæmni verður metin á ný. Niðurstöður ritgerðarinnar benda til þess að raforkukerfið á Íslandi séekki í stakk búið til þess að taka á móti rafbílavæðingu nema að litlu leyti. Fari svo að rafbílar verði ráðandi innan fárra ára leiðir það til þess að afhendingaröryggi er stefnt í hættu og gæði raforku fari versnandi. Enn fremur leiddi kostnaðar- og ábatagreining í ljósað rafbílavæðingu fylgir umtalsverður þjóðhagskostnaður. Útreikningar benda til að hann sé frá 35 – 142 milljarðar á ári hverju.