Umhverfisvænn veitingageiri? Áhrif alþjóðlegra umhverfismerkja á veitingageirann á Íslandi

Abstract

Tilgangurinn með þessu verkefni er að finna út hvaða áhrif alþjóðleg umhverfismerki hafa haft á íslenskan veitingageira. Höfundur lagði af stað með það markmið að tala við stjórnendur í veitingageiranum sem reka veitingasölu sem hefur hlotið formlega alþjóðlega umhverfisvottun. Þegar verkefnið var unnið kom í ljós að mjög fáir aðilar í veitingageiranum hafa hlotið áreiðanlega alþjóðlega umhverfisvottun. Höfundur hafði samband við alla þessa aðila og gátu fjórir veitt viðtal til þess að ræða um áhrif alþjóðlegra umhverfismerkja á veitingageirann á Íslandi. Höfundur fann einungis einn aðila í veitingageiranum sem hafði hlotið vottun um að fylgja umhverfisstöðlum frá Alþjóðlegu staðlasamtökunum ISO. Í ljós kom að sá aðili var tilbúinn til að veita viðtal.Samnorræna umhverfismerkið Svanurinn var mest notað í veitingageiranum á Íslandi þegar verkefnið var unnið.Ein af niðurstöðum þessa verkefnis er að vinna þurfi í umhverfismálum í veitingageiranum og að kynna þurfi betur umhverfismerki og finna leið til að auka hvata fyrir aðila í veitingageiranum til að fá alþjóðlega umhverfisvottun.Lykilorðin sem komu í ljós við vinnslu verkefnisins eru: umhverfismerki, flokkun, nýting, veitingageiri.